Transcription
1
Reçue à Grenoble, le 01 mars 1573. Répondue
2
Monsieur, vous verrés la response cy joincte que me faict monsieur Ruffin
3
sur le faict de larrest que vous scavés. Jay grand regret que cela
4
ailhe ainsy en long ; et que vous ne puissiés estre plus tost
5
satisfaict. Il me mande, comme vous verrés par sa lettre, que le sieur
6
Arerrest est en Bresse, puys sur la fin quon le cherchera ; et que
7
la damoyselle a appoincté. Et sur tout cela je juge ou qu’on le crainct,
8
ou quil a des amys. Vous verrés, monsieur, les discours que faict
9
monsieur le president Myllet en sa lettre cy joincte, où il ny a pas
10
grand-chose ormys des aprectz de la Ligue. Et en escrivant la presente,
11
jay receu celle quil vous a pleu mescrire du vingt sixième, par laquelle
12
jay veu les contre novelles de Sommières, et comme vous vous debvés bien
13
tost acheminer au Vallentineis dont jay très grand regret, tant pour vous
14
sentir eslogner que pour loccasion qui vous y attire. Laquelle je pris
15
à Dieu qu’il la convertisse en mieux que nous nesperons. Je ne mestone
16
pas sy noz gentilhommes de la novelle opignion vous ont demandé terme
17pour se resoudre. Je pense que leur [barré : opignion ] foy est plus apuyée sur lespoir
18
de leurs menéez et dessains que sur la ferme pierre qu’est Jesuchrist, lequel
19
je prie quil les inspire, et quil nous garde des faulx catholisés puis
20
quilz font de sy beaux traitz, lesquelz à la fin leur tumberont sur la teste.
21
Jascoyt que Dieu se serve deux pour notre fleau et chastiment. Or parmy
22
tout cela, je le pris quil vous veulhe donner,
23
monsieur, en bonne sancté très longue et heureuse vie. De Baiard, le XXVIII
24
de febvrier mil VCLXXIII.
25
Vous verrés monsieur ce quon
26
mescript de Romme, qui est asés
27
viel. Il vous plera que ceste
28
lettre me soyt renvoyée après que monsieur de Grenoble et ma seur du Monestier
29
laront veue sil vous playct.
30
Votre très humble allié et serviteur
31
G.davanson A. dambrun